O Señor Hoppy, un home algo maior, moi tímido e amante das plantas está profundamente namorado en segredo da súa veciña, a Señora Silver, unha muller que vive acompañada da súa TARTARUGA Alfie. A Señora Silver está preocupada porque Alfie non aumenta de peso e crece moi amodiño.
...
O señor Hoppy verá niso a posibilidade de gañar o seu corazón.
AGURATRAT é a adaptación teatral da Cía. Pérez&Fernández do libro "Esio Trot" de Roald Dahl, un dos autores máis lidos da literatura infantil universal ("Charlie e a fábrica de chocolate", "James e o pexego xigante", "Matilda", "As Bruxas", "Mr. Fox", etc.) Nesta historia sobresaen dous importantes aspectos: o amor entre persoas maiores e o amor ós animais. Ambos temas tratados con delicadeza e humor. Unha obra de teatro para público familiar que goste dos xogos de palabras, das tartarugas, dos seus maiores e das ideas orixinais e divertidas.
Foto: Corsino©
Os contos son bos para ti...
Roald Dahl dicía: "Se tes bos pensamentos resplandecerán na túa cara coma raios de sol e veraste sempre fascinante".
Cremos en facer boas accións. Esa é a razón pola que o dez por cento de tódolos ingresos* de Roald Dahl vai para os nosos socios benéficos.
Temos apoiado causas como as seguintes: auxiliares técnicos sanitarios especializados para nenos, axudas a familias necesitadas, e programas de divulgación educativa.
Dámosche as grazas por axudarnos a manter este traballo tan importante. Descubre máis en roalddahl.com
A fundación benéfica Roald Dahl é unha organización rexistrada no Reino Unido (no1119330)
*Tódolos pagos de autor e comisións netas derivadas de dereitos de terceiros.
